siobe :)

mitsuharu1995:

SOPHOMORES ’09-‘10 

Walang kapantay yaring nadaramang ligaya
Nang dahil sa inyo buhay ko’y muling sumigla
Lugmok kong katawa’y hapo at pagod na
Hindi ako susuko na kayo ay agad Makita

Kaylanman pangako ko’y pag-aalayan
Ng sapat na dunong ng katalinuhan
Upang inyong Makita at makamtan
Ang katagumpayan na sa atin ay nakalaan

Nasasaktan ang abang kalooban sa’yong pagluha
Dahilan sa pag-amin ng kasalanang di-sinadya
“Tahan na aking bunso”, ang nahinuha
Ang sigaw ng tahimik kong pusong nagbabadyang lumuha

Kahit pilitin kong paulit-ulitin
Hindi ako magsasawang sa inyo ay sambitin
Disiplina, Respeto at Pagmamahal laging ibibilin
Upang di-makalimutan saan man mabaling

Sa tawanan, Sa kuwentuhan hangad may mapala
Sa pakikinig niyo sa’kin atensyo’y di nawala
Pilit inisa-isa mga alaalang sadyang kay saya
Mga magagandang aral sana’y iyong nakuha

Kay tamis ng ngiti ng iyong kaligayahan
Ang pagsasamahan na walang pagsidlan
Ayaw ko ng matapos o bawat isa’y lilisan
Sa paglubog ng araw tuwing ating uwian

Kahit isang saglit, sa huling sandali
Atensyon at pagkalinga ay mananatili
Ako’y laging hindi na mag-aatubili
Tumulong sa iyong pangangailangan sa pagmamadali

Kumupas man ang lahat sa iyong paligid
Umasa kang kami’y nasayo, pinto ay nakapinid
Wag mong alalahanin ang mga balakid
Dahil alam naming na kaya mo itong mapatid

MARAMING MARAMING SALAMAT SA’YO AKING ANAK
Naging bahagi ako ng simple mong buhay
Mananatili ang inyong mga alaalang walang kapantay
Babaunin ko ang lahat ng ito, hanggang sa kabila nitong aking buhay.


- Sir Jaypee Conquilla

SOPHOMORES REBLOG THIS :)